Sobrevivente Faustino Barros Nia Kontribuisaun Luta ba Ukun-an

21

Sobrevivente Faustino Barros Soares da Costa, moris iha loron 15 Agusto 1961, iha Suku Vila Maumeta, Postu Atauro, Munisipiu Atauro. Nia nu’udar oan dalima husi maun alin nain 9 husi aifuan domin inan, Julia Barros no aman Humberto Barros. Faustino ho idade 61 kaben ho Domingas Cabeça iha oan nain 8 feto 2 no mane 6.

Iha tempu passadu, Faustino partisipa iha luta ba ukun rasik-an. Iha tinan 1998  TNI (Tentara Nasional Indonesia) hamutuk ho Polri, Milisia no sira seluk halo torturasaun baku, tebe no lori kadeira tuda ba nia kabun no hasan to’o hasan ruin rahun. Hafoin ne’e, lori nia detein iha sela Komandu Atauro. Ho asaun brutalidade ne’ebé TNI, Polri, Milisia hamutuk ho sira seluk halo ba nia tanba defende ukun rasik-an.

Sofrementu ne’ebé Faustino hetan iha tempu passadu, ohin loron afeita ba nia kondisaun saúde halo nia labele kaer servisu todan. Problema ne’e mosu hahú iha tinan 2000 to’o ohin loron, maske nia halo ona tratamentu ba nia saúde iha ospitál maibé laiha mudansa signifikativu.

Ho problema hirak ne’e, Centro Nacional Chega!I.P servisu hamutuk ho Asosiasaun Vitima Konflitu Politiku 1974-1999 hanesan parseiru implementadór halo konstrusaun uma “Da Memória À Esperança” ba Faustino Barros Soares da Costa, iha Suku Vila Maumeta, Postu Atauro, Munisipiu Atauro. Uma ho medida 9×7, kompostu husi, Kuartu 3, sala 1, haris fatin 1, varanda 1 no mós dapur, kompleta ho instalasaun eletrisidade, plafon no keramik, exeptu dapur ho totál kustu $ 14.800 inklui ona selu badae.

Uma “Da Memória À Esperança” nu’udar parte ida husi implementasaun mandatu Centro Chega! nian tuir Dekretu Lei 48/2016 mak atu tau-matan no apoiu Sobrevivente sira husi Violasaun Direitu Umanu ne’ebé akontese iha periodu1974-1999. Nune’e mos nu’udar programa prioridade Governu Konstitusional Oitavu nian ne’ebé hatur iha CNC nia responsabilidade atu fo tulun ba prezervasaun memória pasadu sira no kontinua promove direitu umanu no rekonsiliasaun.

Media Chega!




Leave a Reply

Your email address will not be published. Required fields are marked *

error: Alert: Chega! Area Protejidu!
X