Sítiu Istóriku Eis KORAMIL Ainaro

9

Sítiu Istóriku Eis KORAMIL 1633/01 Ainaro eziste iha Suku Ainaro, Postu Administrativu Ainaro, Munisípiu Ainaro no fatin ne’e agora dadaun husi Komunidade sira.

Eis KORAMIL 1633/01 Ainaro konsideradu nu’udar Sítiu Istóriku ida tanba iha inísiu dékada oitenta, fatin ne’e sai hanesan fatin detensaun ne’ebé kruél tebes, iha fatin ne’e Militár Indonézia dadur no tortura populasaun feto ho mane inklui labarik ho idade kuaze 13, ne’ebé sira deskonfia fó apoiu ba luta libertasaun nasionál. Forma tortura ne’ebé Militár Indonézia halo ba dadur sira iha fatin ne’e maka Baku dadur sira nia isin lolon ho ai-dona to’o dadur sira so’e bee boot no kiik, depois suru fali dadur sira nia foer hodi fó ba dadur sira han.

Hafoin dadur no tortura iha fatin ne’e, dadur balun Militár Indonézia husik livre, dadur barak liu mak kontinua ba dadur iha KODIM Ainaro, depois ba oho iha Jakarta 2 (Abismu Builico) no balun desterra mai Dili no kontinua ba Illa Atauro. Populasaun sira ne’ebé mai dadur iha fatin ne’e balun mai husi Zumalai, Mauchiga nomos fatin sira ne’ebé sira deskonfia fó apoiu ba Levantamentu Mauchiga iha loron 20 Agostu tinan 1982.




Leave a Reply

Your email address will not be published. Required fields are marked *

error: Alert: Chega! Area Protejidu!
X