RYLA-TL Vizita Ezebizaun Istóriku iha Centro Chega!

93

Dili – Organizasaun Rotary Youth Lidership Awards Timor-Leste (RYLA-TL) ho nia membru hamutuk ema na’in 86 iha loron Kinta-feira, (06/01/2022) vizita ezibisaun istóriku iha Centro Nacional Chega!I.P.

Octavio da Silva Monteiro hanesan fasilitatór RYLA-TL, agradese Centro Chega! tanba fasilita ona sira hodi vizita fatin ezebisaun istóriku ne’ebé Centro Chega! prezerva no mos fahe ona informasaun ba joven sira kona-ba istória Timor-Leste.

Liu husi vizita ne’e, joven sira bele aprende istória hodi hametin espiritu patriotizmu no nasionalizmu hodi kontribui ba dezenvolvimentu nasionál.

Adriana Guerra Bere Garcia nu’udar partisipante hato’o sentimentu kontente hodi vizita fatin ezibisaun istóriku hodi bele aprende liu tan istória feto Timor-Leste nian ba luta ukun rasik-an. Iha tempu funu feto barak hetan sofrementu oin-oin hanesan abuzu seksúal, diskriminasaun no torturasaun.

Vizita ne’e fasilita husi Luis Garcia nu’udar Ofisial Hatutan Memória no Matias dos Santos nudar Ofisial Senior Divizaun Edukasaun no Formasaun (DEF) hodi esplika kona-ba istória Centro Chega!, fatin Ezibisaun istóriku, Sela Nakukun no Loke filme ho titulu “Rezistir e Vençer”.

Enkuantu, Centro Nacional Chega!I.P, Da Memória À Esperança (Centro Chega!) hamri’ik nu’udar institutu públiku ida ne’ebé estabelese ho dekretu Lei no. 48/2016 no tutela direitamente ba Primeiru Ministru. Centro Chega! nia vizaun mak: “Sosiedade ida ne’ebé inkluzivu, la repete istória passadu nian, moris iha dame, no respeitu ba direitus umanu”. Centro Chega! nia misaun mak: “Harii sentru Pós-konflitu ne’ebé prezerva memória passadu nian hodi promove direitus no valór umanu, harii parseria nasionál no internasionál hodi reforsa rede servisu sira atu implementa rekomendasaun sira husi Relatóriu Final Comissão de Acolhimento, Verdade e Reconciliação (CAVR)-Chega! No Comissão da Verdade e Amizade (CVA) – Per Memoriam Ad Spem, sira ne’ebé relevante”.

Media Chega!




Leave a Reply

Your email address will not be published. Required fields are marked *

error: Alert: Chega! Area Protejidu!
X