Prezerva Memória Pasadu Importante Tebes ba Jerasaun Sira Tuir Mai

42

Dili – loron 24 Jullu 2020 – Divizaun Peskiza no Arkivu Istóriku iha Centro Nacional Chega! hala’o enkontru koordenasaun ho autoridade no komunidade siha Suku Becora,  Postu Administrativu Cristo Rei, Munisípiu Dili kona-ba programa “Komunidade Ida Istoria Ida”.

Enkontru koordenasaun ne’e halo ho objetivu atu Prezerva Memória Pasadu liga ho luta libertasaun nasional Timor-Leste, ne’ebé hanesan Luta Populár.

Sr. Aventino Ximenes ne’ebé reprezenta Diretór Ezekutivu iha enkontru ne’e hateten, programa ne’e realiza uluk ona iha Suku balun iha Dili, no sei kontinau nafatin iha Suku seluk, liu husi kooperasaun ho parseiru estratéjiku sira hodi fó apoiu ba programa ida-ne´e.

Carlito Tilman nu’udar komunidade ida iha Suku Becora, ne’ebé partisipa iha enkontru koordenasaun ne’e hateten, nia parte sente laran haksolok ho programa Centro Chega! nian kona-ba “Komunidade Ida, Istória Ida”, ne’ebé bele prezerva memória pasadu ba jerasaun sira tuir mai.

Partisipa iha enkontru ne´e, Administrador Postu, Xefe Suku sira, Xefe Aldeia, Reprezentante husi Organizasaun Joventude no Polísia Komunitária Suku Becora nian, ho totál partisipante hamutuk na’in 25.




Leave a Reply

Your email address will not be published. Required fields are marked *

error: Alert: Chega! Area Protejidu!
X