Matenek ne’ebé Hetan iha Formasaun Presiza Implementa iha Servisu Loro-loron

24

Dili – Diretór Ezekutivu Centro Nacional Chega!I.P Hugo Maria Fernandes husu ba Funsionáriu Centro Chega! atu bele implementa matenek ne’ebé hetan iha formasaun Jornalizmu Báziku iha servisu sira.

Hugo Fernandes hato’o lia hirak ne’e iha enseramentu Formasaun Jornalizmu Báziku ba Funsionáriu Centro Chega! ne’ebé fasilita husi Conselho Imprensa, durante loron tolu hahú husi 20 to’o 22 Setembru 2021 iha Salaun Konferénsia Centro Chega! Antigo Comarca Balide – Dili.

Iha oportunidade ne’e, Diretór Ezekutivu Centro Chega! mós hato’o agradese ba Conselho Imptensa liu-liu ba Diretór Analiza no Dezenvolvimentu Media (DADM) Alverico da Costa Junior tanba bele fó ona formasaun ba funsionariu husi Centro Chega! no husu atu iha tinan oin bele fó tan formasaun kona-ba área jornalizmu espesífiku kona-ba oinsá hakerek notísia feature.

Formasaun ne’ebé ho objetivu hasa’e koñesimentu funsionáriu sira iha área jornalizmu no mós enkoraja funsionáriu sira atu habitua hakerek notísia ne’e, kobre asuntu sira hanesan difinisaun no/ka ambitu jornalistika, prinsípiu ka valór notísia sira, métodu hakerek notísia (hahú husi identifika asuntu, fonte informasaun, tékniku entervista, halo kobertura, define anglu, hakerek títilu, lead notísia, no/ka to’o konteúdu tomak), kodigu étika jornalizmu, no mos báziku kona-ba jestaun redasaun media nian.




Leave a Reply

Your email address will not be published. Required fields are marked *

error: Alert: Chega! Area Protejidu!
X