KAK DISEMINA LEI NÚ. 7/2020 KONA-BA MPCC BA FUNSIONÁRIU CENTRO CHEGA!

100

Dili – Centro Nacional Chega!I.P iha loron 02 Marsu 2020 konvida ona Comissão Anti Corrupção (CAC) hodi halo diseminasaun informasaun ba Lei Númeru 7/2020 kona-ba Medidas Prevenção E À Combate Corrupção (MPCC). Diseminasaun ne’e halo diretamente husi Adjunto Comissão Anti Corrupção (CAC) ba Asuntu Prevensaun no Sensibilizasaun Dr. Luis de Oliveira Sampaio no Diretor Geral Prevensaun CAC Rosario Salsinha de Araujo iha Salaun Konferensia Centro Chega! Antigo Comarca Balide – Dili.

Diretór Ezekutivu Centro Chega! Sr. Hugo Maria Fernandes iha abertura diseminasaun ne’e hateten implementasaun Lei Nú. 7/2020 ne’ebé vigór foin lalais tenke hetan resposta di’ak husi entidades hotu, inklui mós Centro Chega! hanesan Instituisaun Públiku ida, nune’e bele prevene no kombate korupsaun.

Enkuantu Adjunto Comissão Anti Corrupção (CAC) ba Asuntu Prevensaun no Sensibilizasaun Dr. Luis de Oliveira Sampaio no Diretor Geral Prevensaun KAK Rosario Salsinha de Araujo esplika introdusaun jerál Lei Nú. 7/2020 ne’ebé defini kona-ba:

  1. Medida jerál sira kona-ba prevensaun no kombate korrupsaun;
  2. Rejime deklarasaun rendimentu, rikusoin no interese sira;
  3. Tipu krime korrupsaun sira, kastigu/pena sira-ne’ebé aplika ba krime hirak ne’e; no
  4. Meius espesiál sira atu hetan no rai-metin prova.

Parte importante balun husi Lei Nú. 7/2020 ne’e defini polítika nasionál kona-ba luta kontra korrupsaun ne’ebé inklui estratejia nasionál anti korrupsaun (ENAK) ba nivel estadu tomak; Estratejia Nasionál Anti Korrupsaun ne’ebé sei elabora husi CAC no aprova husi Konsellu Ministru; Prosesu elaborasaun ba Estratejia Nasional Anti Korrupsaun-rekere envolvementu & partisipsaun publiku ida-ne’ebé nakloke & boot ne’ebé inklui setór privadu, sosiedade sivil, komunidade akademiku sira, konfisoins relijozas, media no elementu ka grupu sosial minoria sira seluk.

Alende ne’e, Lei Nú. 7/2020 mós haktuir Matadalan kona-ba rekrutamentu iha setór públiku, inklui prosedimentu adekuadu ba selesaun no formasaun ba funsionáriu sira ne’ebé atu okupa kargu públiku, no hatuur polítika no regra kona-ba rotasaun regulár ba hirak ne’ebé okupa kargu xefia, no nesesidade atu implementa programa formasaun regulár ba ajente públiku/estadu sira.

Lei ne’e mós introdúz regra sira ba orientasaun  dixiplinár no kodigu konduta ba ajente públiku ho ninia sansaun sira, liuhusi padraun komportamentu pesoál ne’ebé iha integridade, onestidade, responsabilidade no imparsialidade. Lei ne’e impoin devér ba partidu politiku sira atu eduka no konxiensializa kuadru dirijente no militante sira kona-ba risku korrupsaun no adota medida prevensaun sira.

Parte imporntate seluk ne’ebé Funsionáriu Centro Chega! presiza hatene mak Lei ne’e mós ezije publisidade no transparénsia iha prosedimentu aprovizionamentu no kontratasaun públika, ezije nesesidade prosesu aprovizionamentu ba akizisaun sasán no servisu ne’ebé hala’o bazeia ba kritériu ekonómiku ho baze ba prinsípiu optimizasaun entre kustu no benefísiu.

Lein ne’e mós promove prosedimentu administrativu  ne’ebé simples liután, nune’e bele hamenus oportunidade atu halo korrupsaun, no Inovasaun importante seluk husi Lei ne’e maka impoin obrigasaun/dever ba ajente publiku sira atu deklara sira-nia rendimentu, bens (sasán) no interese sira,  inklui sira nia membru agregadu familiar. Rejime ida-ne’e ho objetivu atu:

  • Fasilita Estadu deteta no prevene konflitu interese,
  • Monitoriza ho efisiénsia liután variasaun ka mudansa sira ba rikusoin  nebe deklarante sira hetan.

Diseminasaun kona-ba Lei Nú. 7/2020 ne’e, Partisipa husi Diretór Ezekutivu Centro Chega!, Fisikál Uniku, Diretór Divizaun sira, Xefe Departamentu sira no Funsionáriu Centro Chega!, inklui ho Estudante Estajiariu sira.




Leave a Reply

Your email address will not be published. Required fields are marked *

error: Alert: Chega! Area Protejidu!
X