Grupu Uma Mahon-Estudante UNPAZ Vizita Antigo Comarca Balide

163

Dili, iha loron 22 Jullu 2021, Grupu Uma Mahon ne’ebé hamahon-an iha Organizasaun Sosiedade Sivil ACbit no Estudante Universidade da Paz (UNPAZ) husi Departamentu Estudu ba Paz halo vizita mai iha Centro Nacional Chega!I.P Antigo Comarca Balide – Dili, hodi haree Ezebiasaun, Sela Detensaun, Biblioteka, Arkivu no Sela Nakukun ne’ebé sei prezerva orijinalidade Comarca Balide.

Tuir Sergia Aida Santina hanesan Reprezentante Grupu husi ACbit, objetivu husi vizita ne’e hakarak atu hatene kona-ba istória moruk ne’ebé akontese iha tempu uluk hodi luta prosesu libertasaun patria.

Nia subliña, rezultadu vizita ida ne’e mak oinsá sira bele iha hanoin ida katak sira bele organiza sira nia komunidade atu bele mai vizita fatin ida ne’e, tanba fatin ne’e istóriku ne’ebé uluk kastigu mós inan feton sira.

Entertantu, iha vizita ne’e, fasilita husi Ofisial Edukasaun no Formasaun (DEF), Flamina Freitas Belo hodi esplika kona-ba istória akontesimentu iha tempu uluk no ikus termina vizita iha Sela Nakukun.




Leave a Reply

Your email address will not be published. Required fields are marked *

error: Alert: Chega! Area Protejidu!
X