Ekipa Centro Chega! no PNDS Esplora Opiniaun kona-ba Programa Uma Kbiit Laek

28

Dili – Centro Nacional Chega! I.P (Centro Chega!) iha Tersa-feira, loron 20 Outubru 2020 hetan vizita husi ekipa Ministériu Administrasaun Estatal. Objetivu husi vizita ne’e hodi ko’alia no esplora opiniaun ho kle’an liu tan kona-ba programa uma ba kbiit laek no ko’alia mós kona-ba konseitu kbiit laek husi perspetiva Centro Nacional Chega! nian, hanesan parte ida hodi kompleta ezbosu ToR ba Semináriu ka Konsultasaun Nasionál relasiona ho programa Uma ba Kbit Laek nian ne’ebé tuir planu sei halo iha tempu badak.

Enkontru ida ne’e hanesan mós enkontru kontinuasaun ne’ebé antes ne’e Centro Chega! hala’o ona ho SE. Ministru Administrasaun Estatal Sr. Miguel Pereira de Carvalho, SE. Vise-Ministru MAE Sr. Lino de Jesus Torrezão no Diretór sira iha Ministériu Administrasaun Estatal nian iha loron 9 Outubru 2020.

Enkontru ne’ebé hala’o iha tempu ne’ebá ko’alia espesifikamente kona-ba progresu Servisu Centro Chega! nian no programa balun ne’ebé hala’o ona ho Parseria husi Ministériu Estatal hanesan, Mapamentu sítiu Istóriku, Komunidade ida istória ida, Protesaun Sítiu Istóriku inklui Centro Chega! mós fó paresér kona-ba programa Governu nian liga ho uma ba Kbiit laek.




Leave a Reply

Your email address will not be published. Required fields are marked *

error: Alert: Chega! Area Protejidu!
X