DE Centro Chega! Entrega Relatóriu Chega! ba Enkaregadu Embaixadora Brasil

64

Dili, iha loron Sexta-feira, 01 Abril 2022, Diretór Ezekutivu Centro Nacional Chega!, Hugo Maria Fernandes entrega relatóriu Chega! no livru Chega! popular ba Enkaregadu Embaixadóra Brasil ba Timor –Leste (Charge d’affaires), Andréia Cristina Nogueira no Vise Konsulado Brasil, Eduardo Galvão.

Vizita ne’e, Enkaregada Embaixadóra Brasil no Vise Konsulado Brasil hala’o vizita ba ezibisaun istóriku iha Centro Chega! mak hanesan ezibisaun kona-ba prizaun no prizoneiru politiku, ezibisaun kona-ba kronolojia istória 1974-1999, ezibisaun kona-ba servisu CAVR, ezibisaun kona-ba auto determinasaun no komunidade internasionál, ezibisaun kona-ba akontesimentu 1999, ezibisaun kona-ba direitus umanus, sala arkivu no ikus sela nakukun.

Hafoin remata vizita, Enkaregada Embaixadóra Brasil, Andréia Cristina Nogueira hato’o sentimentu kontente tanba bele vizita ona Centro Chega! hodi haree istória povu Timor-Leste nian ba ukun rasik-an.

“Objetivu hosi ami nia vizita ohin, mai Centro Nacional Chega! atu koñese liu-tan ita boot sira nia kultura. Koñese liu tan ita boot sira luta ba vitória”, dehan Enkaregadu Embaixadóra Brasil, Andréia ba Media Chega! iha edifisiu Centro Chega! Antigu Comarca Balide-Dili.

Andréia konsidera, istória importante tebes tanba istória esplika futuru. Prezente konstrui hosi pasaadu no passadu sai esperansa ida ba futuru. Istória iha ninia etapa ba moris no ba umanidade.

Media Chega!




Leave a Reply

Your email address will not be published. Required fields are marked *

error: Alert: Chega! Area Protejidu!
X