CNC – KOMNAS HAM Indonézia Diskuti Kooperasaun Servisu

13

Jakarta, 19 Dezembru 2022 – Centro Nacional Chega!I.P (CNC) hala’o enkontru ho Komisi Nasional Hak Asasi Manusia Republik Indonesia (KOMNAS HAM RI) hodi diskuti kooperasaun servisu.

Centro Chega!, Reprezenta husi Membru Konsellu Administrasaun, Sisto dos Santos no Diretór Divizaun Relasaun Esterna, Komunikasaun no Advokasia, Gaudencio Soares Souza hasoru direta ho Ketua KOMNAS HAM RI, Atnike Nova Sigiro.

Iha enkontru ne’e, parte rua diskute kona-ba posibilidade estabelese parseria entre Centro Nacional Chega! ho KOMNAS HAM RI hodi halo akompañamentu ba prosesu implementasaun rekomendasaun Chega! no Per-memoriam Ad Spem liu-liu liga ho ema lakon iha periodu okupasaun Indonézia.

Pontu Importante husi enkontru ne’e mak parte rua diskute atu halo akompañamentu ba prosesu buka labarik lakon no kontinua hahú ho etapa sira, hodi diskute klean kona-ba ratifikasaun konvensaun ema lakon ne’ebé sai konkordansia entre estadu Timor Leste no Repúblika Indonezia ho nia baze husi relatóriu Komisaun Verdade no Amizade (CVA).

Iha oportunidade ne’e, Ketua KOMNAS HAM RI, Atnike Nova Sigiro apresia ho inisiativa no esforsu Timor Leste nian hodi kontinua nafatin buka solusaun justu hodi rezolve problema direitus umanus iha kontestu Timor Leste no Indonézia.

Atnike realsa, KOMNAS HAM RI nia parte, iha prontidaun atu halo kooperasaun servisu ho instituisaun sira ne’ebé komprometidu hodi halo promosaun ba direitus umanus.

Media Chega!




Leave a Reply

Your email address will not be published. Required fields are marked *

error: Alert: Chega! Area Protejidu!
X