CNC ho FDCH koalia kona-ba programa bolsu estudu ba sobrevivente nia oan sira

156

Diretór Ezekutivu Centro Nacional Chega! I.P, Sr. Hugo Maria Fernandes, akompaña husi Diretór Divizaun Solidariedade ba Sobrevivente (DSS) Sr. Nelson Augustu Seixas hala’o enkontru ho Diretóra Ezekutiva Fundo de  Dezenvolvimento do Capital Humano (FDCH) Sra. Leila Carceres dos Santos hodi ko’alia kona-ba kooperasaun instituisaun rua iha programa bolsu estudu ba sobrevivente nia oan sira.

Diretór Ezekutivu Centro Nacional Chega! I.P, Sr. Hugo Maria Fernandes hateten, Centro Nacional Chega! I.P nu’udar Institutu Públiku ida ne’ebé estabelese ho Dekretu Lei no. 48/2016, atu implementa rekomendasaun sira husi Relatóriu Finál Comissão de Acolhamento, Verdade e Reconciliação (CAVR) – Chega! no Comissão da Verdade e Amizade (CVA) – Per memoriam ad spem.

Nia haktuir, rekomendasaun Chega! no Per memoriam ad spem ko’alia kona-ba relasaun ho solidariedade no sobrevivente. Ho rekomendasaun sira ne’e, oinsá mak tulun sobrevivente sira hanesan vítima ba violensia seksual no tortura atu bele hetan apoiu ruma ba sira no ba sira nia oan hodi bele hetan programa bolsu estudu.

Han ba esplikasaun, Diretora Ezekutiva Fundo de  Dezenvolvimento do Capital Humano (FDCH) Sra. Leila Carceres dos Santos aseita no hein de’it karta formal husi Centro Nacional Chega! I.P hodi dirije mai iha Konsellu Administrasaun molok diskute iha Konsellu Administrasaun.

“Ida ne’e hau fo sujestaun deit katak, informasaun ne’e bele halo karta ida hodi dirije mai iha Konsellu Administrasaun, Ministerio do Ensino Superior, Ciência e Cultura (MSCC),  Copy ida mai iha FDCH, depois ami sei lori ba diskusaun iha Konsellu Administrasaun para depois bele tau iha programa bolsu estudu espesial”, nia esplika.

Programa hotu-hotu ne’ebé iha tenke ba aprezenta iha membru sira hanesan Ministeriu Justisa, Ministeriu Finansas, Miniteriu Petroleum no Rekursu Minerais, Sekretariu Estadu Formasaun Professional no Empregu (SEFOPE),  nune’e programa ne’ebé aprovadu bele hatama iha planu annual.




Leave a Reply

Your email address will not be published. Required fields are marked *

error: Alert: Chega! Area Protejidu!
X