Centro Chega! Tenke Hatudu Dezempeñu Servisu ho Efesiente no Efetiv

29

Dili – Centro Nacional Chega!I.P ho funsionáriu sira kompostu husi Divizaun 6 mak hanesan, Divizaun Peskiza no Arkivu Istóriku (DPAI), Divizaun Edukasaun no Formasaun (DEF), Divizaun Relasaun Eksterna Komunikasaun no Advokasia (DREKA), Divizaun Solidariedade Sobrevivente (DSS), Divizaun Finansas no Operasional (DFO), Divizaun Dezenvolvimentu Institusionál no Rekursu Umanu, no mós GAO-CC hodi halo avaliasaun trimestrál ba Planu Asaun Annual PAA 2021.

Tema avaliasaun mak “Efisiente no Efikaz” ne’ebé nu’udar kritéria avaliasaun trimestrál da toluk nian hodi haree dezempeñu servisu Divizaun 5 no GAO-CC nian mak eziste iha Centro Nacional Chega!

Avaliasaun Planu Asaun Annual 2021 fasilita husi Diretor DFO Metodio Caetano Moniz no Diretpra DDIRU Maria Arminda Guterres da Costa no hetan akompañamentu husi Fiskal Uniku inklui ekipa verifikasaun dokumentu Centro Chega! nian no atividade ne’e realiza durante loron 3 hahú husi 28-30 Setembru 2021.

Iha abertura avaliasaun atividade servisu, Diretór Ezekutivu Centro Nacional Chega!I.P Hugo Maria Fernandes apela ba divizaun sira hotu mak eziste iha Centro Chega! katak, avaliasaun ne’e la’os oportunidade ida atu julga malu no hatudu liman ba malu, maibé oportunidade ida atu haree progresu no dezafiu servisu hodi hadia hamutuk iha futuru.

“Obejtivu importante rua husi avaliasaun PAA 2021 nian, 1 mak atu haree hamutuk servisu divizaun sira nian liu husi fo hanoin ba malu halo diskusaun no sujestaun sira hodi bele hadia. 2 mak atu buka solusaun, la’os atu hatudu liman ba malu iha divizaun ida nia laran rasik, maibé iha prosedementu ruma mak karik presiza hadia, maibé limita atu fahe ba malu, karik lasai problema, maibé buka solusaun, karik buat ruma la’o seidauk di’ak buka atu hadia”, dehan Diretór iha abertura atividade avaliasaun ne’ebé realiza iha salaun konferensia Centro Chega! Antigu Comarca Balide, Loron Kuarta (28/09/2021).

Diretór mós hatutan mensajen Konsellu Administrasaun (KA) Centro Chega! nian katak, KA louva servisu estrutura no funsionáriu Centro Chega! nian no husu atu nafain hatudu dezempeñu servisu no mós sai exemplu di’ak.

Iha biban hanesan, Diretóra Divizaun Dezenvolvimentu Institusional Rekursu Umanu (DDIRU) Maria Arminda hateten, atividade avaliasaun trimestral ba dala 3 ne’e, tuir lolos avaliasaun ne’e reliza kada trimestral, maibé liga ho situasaun Covid-19 no mos aplika konfinamentu obrigatoriu ita lakonsege realiza ba iha atividade primeiru no seegundu trimester.

“Objetivu husi atividade ida ne’e mak ita atu hatene ita nia implementasaun atividade no programa ne’ebé ita planeia ona ba 2021 ninia, no liu husi atividade ne’e ita bele hatene kona-ba progresu no kauza husi implementasaun atividade ba iha 2021 ninia, oinsa buka solusaun ou estratejia para atu bele rezolve ou bele hadia liu tan ita nia ninia implementasaun ba iha trimestral ikus nian”, nia sujere.




Leave a Reply

Your email address will not be published. Required fields are marked *

error: Alert: Chega! Area Protejidu!
X