Centro Chega! Sei Rekruta Estudante Graduadu Ba Programa “Chega! Young Embayssadór”

332

Dili-iha tinan ida ne’e (2022), Centro Nacional Chega!I.P servisu hamutuk ho GIZ sei halo rekrutamentu ba estudante graduadu/a husi Universidade sira iha Timor laran tomak atu prienxe Programa Chega! Young Embayssador.

Diretór Ezekutivu Centro Chega!, Hugo Maria Fernandes informa, razaun prinsipál ba Centro Chega! atu halo rekrutamentu ba estudante graduadu/a husi Universidade sira ba programa Chega! Young Embayssador tanba hakarak forma no prepara estudante sira sai ajente ba paz hodi hatutan no habelar kona-ba paz.

“Tinan ida ne’e ita introduz programa Chega! Young Embayssador koopera ho GIZ. Tinan ida ne’e ita sei rekruta estudante finalista ne’ebé foin gradua husi universidade, sira servisu iha Centro Chega! fulan neen, maibé sei indoktrina sira atu sai ajente da paz”, dehan Diretór Hugo iha diskursu semináriu ho tema “Hamutuk Harii no Dezenvolve Paz iha Komunidade” ne’ebé realiza iha UNPAZ, Dili, Sexta-feira (11/02/2022).

Alende programa Chega! Young Embayssador, Diretór mos informa katak, iha tinan ida ne’e Centro Chega! mos introduz programa kona-ba Sentru Estudu ba Rezolusaun no Konflitu. No programa ida ne’e, iha programa boot rua (2); – ida divulgasaun koñesimentu. Ita hakarak esperénsia sira ne’ebé ita halo hanesan rekonsiliasaun iha nivél komunidade, ne’ebé hala’o husi Centro Chega! no mos NGO sira halo. – Rua halo estudu profundu kona-ba paz no rekonsiliasaun hodi halibur informasaun kona-ba sá esperensia mak ita foti, sá dezafius mak ita hasoru no sá obstaklu mak iha hodi produz sai dokumentus importante no hatudu ba mundu katak Timor-Leste nia mekanizmu rezolusaun konflitu mak ida ne’e no bele sai lisaun ba rai seluk.

Media Chega!




Leave a Reply

Your email address will not be published. Required fields are marked *

error: Alert: Chega! Area Protejidu!
X