Centro Chega! no PDHJ Fahe Informasaun Kona-ba Direitus Umanus no Justisa Tranzisionál ba Dosente no Alumni UNTL

21

Dili – Centro Nacional Chega! no Provedoria Direitus Umanus no Justisa servisu hamutuk ho Global Campus Asia Pasific – UNTL fasilita treinamentu kona-ba Direitus Umanus ba Dosente no Alumni UNTL sira husi loron 22 – 24 Jullu 2020, iha Salaun Konferénsia Centro Chega! Antigu Komarka Balide – Dili.

Programa Global Campus Asia Pasific – UNTL nu’udar programa introdusaun Direitus Umanus ba Dosente no Alumni UNTL sira no iha tinan ida ne’e materia ne’ebé fó ba partisipate sira mak hanesan: The Struggle for human rights in pre-democratic Timor-Leste, The Role of Memory and Reconciliation for Human Rights in Timor-Leste no The Transitional Justice in Timor-Leste.

Diretór Ezekutivu Centro Chega! mós nu’udar formadór iha programa ne’e espesifikamente ba dosente na’in 12 husi UNTL, enkuantu Sr. Vicente Maia husi Divizaun Edukasaun no Formasaun mak nu’udar formadór ba alumi UNTL na’in 6.

Espetativa husi materia ne’ebé fornese husi Centro Chega! mak atu partisipante sira hatene Timor-Leste ninia luta ba direitu auto-determinasaun husi periodu 1974-1999, partisipante sira iha koñesimentu kona-ba Comissao de Acolhamento, Verdade e Reconsiliacao de Timor-Leste (CAVR) no hasa’e koñesimentu kona-ba konseitu no mekanizmu Justisa Tranzisionál (Transitional Justice).




Leave a Reply

Your email address will not be published. Required fields are marked *

error: Alert: Chega! Area Protejidu!
X