Centro Chega! husu Apoia PN, Atu MNEC Reativa Enkontru Altu Nivel ho Indonézia

22

Ekipa husi Centro Nacional Chega! ne’ebé lidera husi Diretór Ezekutivu Sr. Hugo Maria Fernandes iha loron 11 Juñu 2021 kontinua halo audiénsia ho Membru Parlamentu Nasional husi Bankada FRETILIN. Audiénsia ne’e realiza hodi atualiza servisu sira ne’ebé durante ne’e Centro Chega! halo tiha ona kuaze tinan 4 nia laran hafoin estabelese tiha Centro Chega! iha Jullu 2017, no liu-liu atualiza servisu sira ne’ebé implementa husi Janeiru to’o Maiu 2021. Alende atualiza informasaun kona-ba servisu sira, Centro Chega! mós hakarak husu apoiu ba Bankada FRETILIN ne’ebé hanesan Bankada boot iha Parlamentu Nasionál ba lejislasaun balun no servisu advokasia importante sira ne’ebé presiza Parlamentu Nasional nia intervensaun ba Governu.

Diretór Ezekutivu Sr. Hugo Maria Fernandes iha oportunidade ne’e agradese ba Parlamentu Nasional ne’ebé aprova ona orsamentu 2021, ne’ebé dedikadu ba implementasaun programa governu nian liu-liu atu halo prezervasaun ba Memória Pasadu, Apoiu programa ba Sobrevivente, Edukasaun no Formasaun, Diseminasaun Informasaun iha implementasaun Rekomendasaun Chega! no Per Memoriam Ad Spem.

Kestaun sira ne’ebé sai hanesan preokupasaun Centro Chega! nian, no presiza apoiu ka intervensaun husi Parlamentu Nasional mak hanesan:

  • Aprovasaun Esbosu Lei Arkivu, atu Bankada Parlamenta sira bele fó instrusaun ba Ministériu Administrasaun Estatal (MAE) atu submete esbosu Lei Arkivu Nasional nian hodi bele hetan aprovasaun iha Konsellu Ministru no Parlamento Nacional. Lei Arkivu urgente tebes hodi garante protesaun ba arkivu istóriku ne’ebé nesesita restrisaun ba asesu no públika iha pú
  • Husu ba Bankada Parlamentár sira atu husu ba MNEK atu koopera ho Grupu Traballu Ema Lakon ne’ebe mak Centro Chega! lidera hela hodi buka tuir Ema Timoroan sira ne’ebé mak Lakon durante okupasaun Indoné
  • Hato’o ba Bankada Parlamentár sira atu husu ba Ministériu Justisa no MNEK hodi aprezenta Konvensaun Internasional Protesaun ba Ema Lakon Forsadamente ba Parlamento Nasional hodi hetan ratifikasaun.
  • Atu Bankada Parlamentár sira fó hanoin hikas ba Ministériu Ensinu Superior Siensia no Kultura (MESSK) no Sekretaria Estadu Arte no Kultura (SEAK) atu halo ona introdusaun kona-ba Dekretu Lei Patrimonia Kultural no servisu hamutuk ho Ministériu no Instituisaun Públiku relevante sira hodi estabelese enkuadramentu jurídiku hodi proteze sítiu istóriku no kultural sira.
  • Husu mos Bankada Parlamentár sira atu bele fó hanoin Ministru MESSK ne’ebé mak nu’udar Prezidente Konsellu Administrasaun FDCH nian atu bele reve kriteria ba Kbiit Laek atu hetan bolsu estudu atu inklui mos oan husi vítima no sobrevivente nia oan sira.
  • Bankada Parlamentár sira fó hanoin ba MNEC atu reativa fali Enkontru Nivel Altu (Senior Offisial Meeting) entre Indonézia no Timor-Leste nune’e bele ajenda asuntu importante sira ne’ebé rekomenda iha Relatóriu Per Memoriam Ad Spem (Relatóriu CVA) hodi implementa.

Entretantu Chefe Bankada FRETILIN Sr. Francisco Miranda Branco hateten informasaun sira ne’ebé hato’o husi Centro Chega! imporntante tebes ba polítika Estadu Timor-Leste no nia rekoñese Estadu seidauk fó atensaun duni ba kestaun sira ne’ebé Centro Chega! hato’o.

Deputadu sira husi Bankada FRETILIN mós afirma katak, Programa identifikasaun ba sítiu istóriku no Dekretu Lei Patrimonu presiza fó atesaun no dezenvolve, ratifikasaun konvensaun ema lakon, lejislasaun Lei Arkivu no reativa Enkontru Altu Nivel entre Indonézia no Timor-Leste presiza tebes Governu atu halo no kontinua fila fali.

Centro Chega! obrserva katak, Deputadu sira husi Bankada FRETILIN preokupa tebes no presiza duni atensaun ba kestaun sira ne’ebé hato’o husi Centro Chega!

Entretantu, Centro Chega! antes ne’e halo ona audiénsia ho Bankada UDT no tuir planu sei halo audiénsia ho Bankada hotu iha Parlamentu Nasionál, nune’e bele tulun Centro Chega! iha implementasaun Relatóriu Chega! no CVA.




Leave a Reply

Your email address will not be published. Required fields are marked *

error: Alert: Chega! Area Protejidu!
X