Centro Chega! Halo Konsultasaun ba Programa Jornalizmu ba Paz

110

Liquiça – Centro Nacional Chega!I.P, liu husi Divizaun Edukasaun no Formasaun (DEF) ba dadaun ne’e halo hela konsultasaun ho komunidade, autoridade lokál, veteranu no sobrevivente sira iha Munisípiu Liquiça ne’ebe sai hanesan parseiru (stakeholders) no atu garante sira nia kolaborasaun iha Programa Jornalizmu ba Paz, ne’ebe sei envolve estudante no juventude sira.

Programa konsultasaun ne’e hala’o iha Postu Administrativu rua mak hanesan Postu Administrativu Maubara iha Suku Maubara Lisa no Votuvou, enkuantu iha Postu Adminsitrativu Bazartete hala’o iha Suku Maumeta no Metagou.

Atividade ne’ebé hala’o durante loron tolu hahú husi loron 21-23 Fevereiru 2022, ho intensaun atu informa ba komunidade, autoridade lokál, vetaranu no sobrevivente sira no rona mos sira nia hanoin kona-ba formasaun ba joven no estudante sira kona-ba Programa Jornalizmu ba Paz, ne’ebe sei hahú implementa iha tinan ida ne’e.

Xefe Suku Metagou Salvador konsidera, programa jornalizmu ba paz ne’e di’ak tanba hanesan oportunidade ida atu bele hakerek sobrevivente sira nia istória, tanba to’o agora laiha ema ida mak atu hakerek sira nia istória luta ba libertasaun pátria

Sobrevivente – Miguel Sanches esplika katak, durante funu 1974 – 1999, sira hetan sofrimentu barak no sira presiza konta sai sira nia istória atu nune’e ema hotu bele hatene.

Enkuantu Sobrevivente – Domingos Lobato ‘Kuda Maubulak hatete, istória importante no presiza konta sai istória hodi jerasaun ba jerasaun konta tuir. 

Atividade konsultasaun komunitária ne’e hala’o husi Espesialista Edukasaun Centro Chega!, Alexandre Ornai Pinto no Ofisial Transmisaun Memoria Luis Garcia no hetan apoiu husi GIZ ba programa South Asia University Partnership (SAUP).

Media Chega!




Leave a Reply

Your email address will not be published. Required fields are marked *

error: Alert: Chega! Area Protejidu!
X