Centro Chega! Fasilita Formasaun Jestaun Projeitu Ba Funsionáriu Sira

27

Dili, 30 Juñu 2021, Centro Nacional Chega!I.P. husi Divizaun Dezenvolvimentu Institusionál no Rekursu Umanu (DDIRU) no Divizaun Finansas no Operasional (DFO) realiza formasaun “Jestaun Projetu (Nivel Báziku)” ba funsionariu sira. Fasilitadór ba formasaun ne’e mak, Sr. Francisco Belo nu’udar konsultór Timoroan ida ne’ebé servisu durante tinan 10 resin iha kompaña.

Objetivu husi formasaun ne’e mak atu hasa’e abilidade no koñesimentu kona-ba asuntu ‘Jestaun Projetu’ nian oinsa mak atu bele hatene hodi jere implementasaun atividade projetu ne’ebé Centro Chega! sei halo iha tempu badak nia laran.

Diretór Ezekutivu Centro Chega! Sr. Hugo Maria Fernandes hatete, formasaun kona-ba jestaun projetu ne’e importante tebes ba funsionáriu sira iha Centro Chega! atu partisipa ho máximu hodi bele aumenta koñesimentu.

Nia haktuir, tanba iha tinan ida ne’e, Centro Chega! sei halo projeitu konstrusaun tolu ho dezena ida, entaun ho formasaun ne’e bele aumenta koñesimentu sira ne’ebé ita presiza hatene iha áarea supervizaun. Tanba ita mak sai hanesan nain ba projetu, ita tenke hatene projeitu nia lalaok husi prosesu inisiu to’o remata.

“Hau hein katak husi formasaun ne’e bele hetan aproveitamentu diak”, dehan Sr. Hugo bainhira loke abertura ba formasaun loron ida iha Salaun Konferénsia Centro Chega!  Antigo Comarca  Balide-Dili, Kuarta (30/06/2021).

Enkuantu, partisipante husi formasaun ne’e, hamutuk ema na’in 25 kompostu husi Divizaun Edukasaun no Formasaun (DEF), Divizaun Finansas no Operasional (DFO), Divizaun Perkiza Arkivu Institusional (DPAI), Divizaun Solidariedade Sosial (DSS) no Divizaun Relasaun Externa Komunikasaun no Advokasia (DREKA).




Leave a Reply

Your email address will not be published. Required fields are marked *

error: Alert: Chega! Area Protejidu!
X