entro Chega! Asina Nota Entendimentu ho Universidade

Centro Chega! Asina MoU Ho Universidade Privadu Sira

35

Centro Nacional Chega!I.P. asina ona Nota Entendimentu ho Universidade Privadu sira iha Dili laran hanesan Universidade da Paz (UNPAZ), Universidade Dili (UNDIL) no Universidade Oriental Timor Loro Sa’e (UNITAL) iha Salaun Konferénsia Centro Chega! iha Antigo Comarca Balide, Dili.

Objetivu husi estabelesimentu Nota Entendimentu ne’e mak atu utiliza rekursu sira husi Centro Chega! no Universidade sira atu dezenvolve no implementa atividade sira ne’ebé haktuir iha Rekomendasaun Chega! no Per Memoriam Ad Spem nian iha setór edukasaun no formasaun, peskiza istóriku, apoiu solidariedade ba sobrevivente no públikasaun sira iha âmbitu fortalesimentu institusionál no atividade sientífiku akadémiku relevantre sira.

Asinatura Nota Entedimentu ida ne’e hetan apresiasaun husi Diretora Jerál Ministériu Ensinu Superior, Ciéncia e Cultura Sra. Maria Filomena Lay Guteres no iha diskursu Sra. Maria hateten, MESCC kontinua hametin parseria ida ne’ebé metin hodi bele dezenvolve Ensinu Superior sira.

Enkuantu Magnifiku Reitór husi Universidade sira hato’o mos sira nia intervensaun katak Universidade sira kompremetivu servisu hamutuk ho Centro Chega! atu kontinua introdúz Materia Istória, Edukasaun Sidadania no Direitus Umanus iha Ensinu Superior ida-idak.

Serimonia asina Nota Entendimentu ne’e hetan partisipasaun husi parseiru sira hanesan Menistériu Ensinu Superior Ciencia e Cultura (MESCC), Provedoria dos Dereitus Umanus e Justica, Agência Nacional para a Avaliação e Acreditação Acadêmica (ANAA), Instituto Nacional de Ciência e Tecnologia (INCT), Fundo Desemvolvimento Capital Humano (FDCH), Institutu Nacional Administrasaun Públiku no instituisaun relevante sira seluk.*




Leave a Reply

Your email address will not be published. Required fields are marked *

error: Alert: Chega! Area Protejidu!
X