Centro Chega! Apresia Desizaun VMTKK Hodi Rehabilita Sitíu Istóriku Tasi 3

67

Dili – Diretór Ezekutivu Centro Nacional Chega!I.P, Hugo Maria Fernandes apresia no agradese ba desizaun Vise Ministra Turizmu Komunitáriu no Kulturál (MTKK), Inácia da Conceição Teixeira  hodi halo rehabilitasaun ba sitíu istóriku Uma Adat Tasi Tolu (3).

Hugo hatuir, desizaun ne’e di’ak ba Centro Chega! tanba governu liuhosi VMTKK tau ona iha planu prioridade no tau ona orsamentu ba rehabilitasaun sitíu istóriku Uma Adat Tasi Tolu iha tinan ida ne’e 2022.

Centro Chega! iha intensaun rua; – ida, mak atu monta espozisaun istóriku iha fatin sitíu istóriku. – rua, sitíu istóriku ne’ebé mak VMTKK hili bele fó espasu ba sobrevivente sira loke sira nia loja kafe no buat sira seluk, atu nune’e sobrevivente sira bele hetan rendementu husi programa turizmu istóriku.

Vise Ministra Turizmu Komunitáriu no Kulturál (VMTKK), Inácia da Conceição Teixeira esplika, VMTKK deside rehabilita sitíu istóriku Uma Adat Tasi Tolu tanba kondisaun Uma Adat Tasi Tolu oras ne’e di’ak.

VMTKK Rehabilitasaun sitíu istóriku Uma Adat Tasi tanba iha tinan ida ne’e, amu Papa Francisco sei vizita Timor-Leste. Entaun, bainhira halo rehabilitasaun hotu mak ba futuru sei fó impaktu pozitivu ba públiku.

“Tuir informasaun ne’ebé mak iha katak amu papa atu mai iha Timor signifika tenke iha mudansa ba espasu”, dehan Vise iha enkontru koodenasaun servisu hamutuk ho Centro Chega!, Prezidente Autoridade Munisipiu Dili, Ministeriu Obras Publika no Pelican Paradise, ne’ebé hala’o iha sala enkontru gabinete VMTKK, Farol-Dili, Segunda-feira, (11 /04/ 2022).

Media Chega!




Leave a Reply

Your email address will not be published. Required fields are marked *

error: Alert: Chega! Area Protejidu!
X